ទាញយកគំរូប្រវិត្តរូបការងារដោយមិនប្រើរូបថត

តិចអេឌ (TechEd Cambodia) ត្រូវបានទទួលស្គាល់ច្រើនតាមរយៈមាតិកា បច្ចុប្បន្នភាពប្រវិត្តរូបការងារជំនាន់ថ្មី CV ជំនាន់ថ្មី ឬ Resume ជំនាន់ថ្មី។ អត្ថបទនេះ យើងសូមណែនាំអ្នកពីរបៀបរៀបចំ និងសរសេរប្រវត្តិរូបការងារជំនាន់ថ្មីមួយទៀត ដែលគំរូនេះយើងពុំចាំបាច់ប្រើប្រាស់រូបថតទេ។ អ្នកនឹងយល់ដឹងបន្ថែមពីរបៀបគម្រោងគំនិតរចនា បច្ចេកទេស និងតិចនិតរចនា រួមទាំងការប្រើប្រាស់ពុម្ពអក្សរឱ្យបានសមស្របផងដែរ។ អ្វីដែលល្អនោះគឺថា អ្នកអាចទាញយកគំរូប្រវត្តិរូបការងារនេះបាន តាមរយៈ Download ខាងក្រោម។

ទាំងសិស្ស ទាំងនិស្សិតជាច្រើនផ្ដល់មិតលើវីដេអូណែនាំពីរបៀបធ្វើ CV ថា ពួកគេចង់ឯកសារកែបានដោយខ្លួនឯង (ភាគច្រើនគាត់ចង់បានឯកសារ docx, Microsoft Word) ហើយពួកគាត់ពុំសូវយល់ដឹងច្រើនពីការប្រើប្រាស់កម្មវិធី PowerPoint ឡើយ។ តាមពិត CV ជំនាន់ថ្មីប្រភេទនេះ យើងធ្វើលើកម្មវិធី Powerpoint ងាយស្រួលជាង និងលឿងជាងទ្វេរដង។ ដោយមើលឃើញចន្លោះអ្វីខាតរបស់យុវជនយើងបែបនេះ TechEd ផ្សាយចេញអត្ថបទមួយនេះឡើង ដើម្បីបង្ហាញពីរបស់សរសេរ និងរចនា CV លើ Microsoft Word ហើយឯកសារខាងក្រោមនេះមានប្រភេទ docx តែម្តង។

ឥឡូវនេះយើងមកស្វែងរកខ្លះពីប្រវត្តិរូបការងារគ្មានរូបថត

តាមពិតគំរូប្រវត្តិរូបគ្មានរូបថតពេញនិយមណាស់ មិនថានិស្សិតទើបចាប់ផ្ដើមការងារ​ អ្នកមានបទពិសោធន៍ច្រើន និងអ្នកគ្រប់គ្រងឡើយ។ មានពេលមួយខ្ញុំក៏ត្រូវបានណែនាំដោយអ្នកជំនាញធនធានមនុស្សថា ប្រវត្តិរូបការងារពុំចាំបាច់ដាក់រូបថតនោះទេ។ ពេលនោះខ្ញុំក៏ភ្ញាក់ផ្អើលដូចគ្នាដែរ ហើយក្រោយស្រាវជ្រាបន្ថែមពីវាទើបដឹងច្បាស់ថា វាជាការពិត។ មួយវិញទៀត គាត់បន្ថែមថា គប្បីសរសេរតែមួយទំព័រប៉ុណ្ណោះ ហើយត្រូវប្រាកដថាវាមានព័ត៌មានគ្រប់គ្រាន់។

ចំពោះការបង្កើតវិញក៏ងាយស្រួយ និងរហ័សដែរ។ ឱ្យតែចេះប្រើប្រាស់កម្មវិធី Microsoft Word ខ្លះបានហើយ។

គ្រាន់តែបង្កើតឯកសារទទេមួយ រួចបញ្ចូលតារាងពីរជួរឈ និង ៥ ឬ៦ ជួរដេកតាមត្រូវការ។ នេះជាក្បាលទំព័រដែលព័ត៌មានមានដូចជា ឈ្មោះ មុខងារបច្ចុប្បន្ន អាសយដ្ឋាន លេខទូរសព្ទ អ៊ីម៉ែល និងភាសា (អាស្រ័យលើការរៀបចំរៀងៗខ្លួន)។ ចូលមកដល់តួសេចក្ដី សរសេរចំណង់ជើងមួយ (Experience)​ រួចបញ្ចូលតារាងតាមព័ត៌មានដែលអ្នកមានជាការស្រេច។ ផ្នែកផ្សេងទៀតនៃ ប្រវត្តិរូបការងារនេះ អាចយកលំនាំពីផ្នែកមួយទៅផ្នែកមួយ។ អ្វីដែលពិសេសនោះ អ្នកអាចទាញយកគំរូខាងក្រោមកែតែម្តងក៏បាន។ គ្រាន់តែថា ប្រសិនអាចការពន្យល់ខ្លះ អ្នកអាចធ្វើ និងមានភាពច្នៃប្រឌិតច្រើន និងបង្កើតវាមានលក្ខណៈផ្ទាល់ខ្លួន។